Ֆրանսիայում Ամանորի գիշերը բերման է ենթարկվել 380 մարդ, այրվել է 745 մեքենա, այս մասին X սոցիալական ցանցում հայտնել է ներքին գործերի նախարար Ժերալդ Դարմանինը։
«Անցյալ տարվա համեմատ այրվել է տասը տոկոսով ավելի քիչ մեքենա… Ամբողջ երկրում ձերբակալվել է 380 մարդ, սա նույնպես տասը տոկոսով պակաս ցուցանիշ է»,- ասել է նախարարը:
Ուրբաթ օրը՝ դեկտեմբերի 29-ին, ՆԳՆ ղեկավարը հայտնել է, որ ահաբեկչական սպառնալիքի առավելագույն մակարդակի ֆոնին անվտանգությունն ապահովելու համար կտեղակայվեն ավելի քան 90 հազար ոստիկաններ և ժանդարմներ։