Ռուսաստանի նախագահ Վլադիմիր Պուտինը Ազգային միասնության օրվա առիթով Կրեմլում պետական պարգևներ է հանձնել:
Պարգևատրվածների թվում են Պատրիարք Կիրիլը, նախագահի հատուկ դեսպանորդ Միխայիլ Շվիդկոյը և Ալեքսանդր Սոլժենիցինի այրին՝ Նատալյան և այլք:
Ինչպես հայտնել է Ria.ru-ն, պարգևատրվածների թվում են նաև Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ արքեպիսկոպոս Եզրասը (աշխարհիկ անունը՝ Մկրտիչ Ներսիսյան) և Ռուսաստանի Դաշնության մուսուլմանների հոգևոր վարչության ղեկավար մուֆթի Ռավիլ Գայունուտդինը:
Պուտինը Եզրասին պարգևատրել է Ալեքսանդր Նևսկու շքանշանով, Ռավիլ Գայունուտդինին՝ «Անձնվեր աշխատանքի համար» շքանշանով: