Սոչիի միջազգային օդանավակայանում հունիսի 27-ին Տյումեն մեկնող ինքնաթիռը թռիչքի նախապատրաստության ընթացքում դիպել է Նորիլսկից ժամանած մեկ այլ օդանավի։ Ինչպես տեղեկացնում է «Արմենպրես»-ը, վկայակոչելով sochi24.tv-ն, միջադեպի հետևանքով ոչ ուղևորները, ոչ անձնակազմի անդամները, ոչ էլ օդանավակայանի աշխատակիցները չեն տուժել։ Օդանավակայանը շարունակում է բնականոն աշխատանքը, միջադեպը չի ազդել այլ չվերթների ժամանակացույցի վրա։
Դեպքի փաստով ՌԴ Հարավային տրանսպորտային դատախազությունը սկսել է ստուգում՝ թռիչքների անվտանգության նորմերի պահպանման ուղղությամբ։ Գերատեսչությունը ստուգում է նաև օդային երթևեկության կազմակերպման համար պատասխանատու ծառայությունների գործողությունները։