Հեռախոսազրույց են ունեցել Ադրբեջանի և Ուկրաինայի արտաքին գործերի նախարարներ Ջեյհուն Բայրամովը և Անդրեյ Սիբիհան, քննարկել են Բաքվի և Կիևի միջև գործընկերության արդիական հարցերը, ներառյալ՝ համագործակցությունը քաղաքական, տնտեսական, էներգետիկ, տրանսպորտային և հումանիտար ոլորտներում:
Սիբիհան շնորհավորել է Ադրբեջանին՝ Վաշինգտոնում ԱՄՆ-ի հետ ձեռք բերված պայմանավորվածությունների և Հայաստանի հետ հարաբերությունների կարգավորման հարցում առաջընթացի կապակցությամբ:
Ուկրաինայի ԱԳ նախարարը շնորհակալություն է հայտնել Բաքվին մարդասիրական օգնության և տուժած տարածքների վերականգնմանն աջակցելու համար, ինչպես նաև տեղեկացրել հակամարտության շուրջ բանակցությունների ընթացքի մասին:
Երկուստեք ընդգծվել է միջկառավարական հանձնաժողովի դերը երկկողմ կապերի զարգացման գործում։