Ռուսաստանից Արցախ է ժամանել մարդասիրական օգնության 35 վագոն: Սա երկաթուղային տրանսպորտով ուղարկված բեռների ամենամեծ խմբաքանակն է: Այս մասին տեղեկացնում են ՌԴ ԱԻՆ-ից՝ փոխանցում է РИА Новости-ն:
«Ռուսաստանից ժամանել է մարդասիրական օգնության 35 վագոն՝ Արցախի տուժած շրջաններին տրամադրելու համար: Սա երկաթուղով ուղարկված բեռների ամենամեծ խմբաքանակն է»,- նշվում է ՌԴ ԱԻՆ-ի հաղորդագրության մեջ:
Ընդգծվում է, որ հետագա տեղափոխմանը պատրաստ են 5 հակահրդեհային ավտոցիստեռն, 4 ՈՒԱԶ մակնիշի թեթև ավտոմեքենա, 10 դիզելային գեներատոր, 280 խմ փայտանյութ և մոտ 35 հազար կենցաղային պարագաներ: Ընդհանուր առմամբ՝ ավելի քան 250 տոննա: