Հյուսիսային Վազիրիստանում (Խայբեր-Պախտունխվա նահանգ) Աֆղանստանի հետ սահմանին տեղի է ունեցել պայթյուն։
Մահապարտ ահաբեկիչը մխրճվել է ռազմական ավտոշարասյան մեջ, որի հետևանքով զոհվել է 16 զինվոր։ Եվս տասը զինծառայող վիրավոր են:
Այս մասին հաղորդել է ՏԱՍՍ-ը՝ հղում անելով Agence France-Presse-ին։
«Մահապարտ ահաբեկիչը պայթուցիկներով լի մեքենայով մխրճվել է զինվորների շարասյան մեջ»,- գրել է աղբյուրը:
Պայթյունի հետևանքով փլուզվել են նաև տների տանիքներ, 19-ը քաղաքացիական անձ է վիրավորվել, այդ թվում՝ վեց երեխա։