Շատ մտահոգ ենք Վերին Լարսի անցակետում ստեղծված իրավիճակով. ՀՀ էկոնոմիկայի նախարար

ITAR-TASS 157: NORTH OSSETIA, RUSSIA. MARCH 1, 2010. The Verkhny Lars crossing between Russia and Georgia (in pic) resumed operation on Monday after a more than three-year interval. (Photo ITAR-TASS / Vladimir Mukagov) 157. Россия. Северная Осетия. 1 марта. Контрольно-пропускной пункт "Верхний Ларс" на грузино-российской границе. Фото ИТАР-ТАСС/ Владимир Мукагов

ԱԺ-ում լրագրողների հետ ճեպազրույցում էկոնոմիկայի նախարար Վահան Քերոբյանն անդրադարձավ Վերին Լարսում ստեղծված իրավիճակին:

ՌԴ տրանսպորտի նախարարությունից օրեր առաջ հայտնել էին, որ աշխատանք է տարվում անցակետերի, այդ թվում՝ ռուս-վրացական սահմանի Վերին Լարսի անցակետի թողունակության մեծացման ուղղությամբ։

«Շատ մտահոգ ենք այն իրավիճակով, որ ստեղծված է Վերին Լարսի անցակետում: Կարելի է ասել՝ օրական մի քանի ժամ ես և իմ գործընկերները զբաղվում ենք այդ անցակետի հետ կապված հարցերով:

Ինչպես գիտեք, հունիսի 15-ից պետք է գործի լաստանավային հաղորդակցությունը Վրաստանի և Ռուսաստանի միջև, որը թույլ կտա, որ մենք որոշակի բեռների առումով էապես թեթևացնենք ճանապարհորդությունը: Կառավարությունը դրա համար հատկացրել է մոտավորապես 2.5 միլիարդ դրամ գումար առաջիկա 6 ամսվա սուբսիդավորման համար:

Բացի դրանից՝ անցած շաբաթ ունեցել եմ խորհրդակցություն մեր ռուս գործընկերների հետ, պլանավորել ենք հունիսի 11-ին հանդիպել նաև Վերին Լարսում, իրար հետ հասկանալ, թե ինչ հնարավորություններ ունենք՝ էլ ավելի արագացնելու Վերին Լարսի թողունակությունը: Կարծում եմ, որ ամենօրյա աշխատանքային ռեժիմով կկարողանանք այնպես անել, որ սեզոնի սկզբին լարվածությունը թուլացնենք»,- ասաց Քերոբյանը:

Related posts

Հաճախակի են դառնում դեպքերը, երբ օձերին վնասում են՝ լրջորեն վտանգելով և՛ իրենց, և՛ կենդանիների կյանքը․ ՇՄՆ զգուշացումը

Հրդեհ Առնո Բաբաջանյան փողոցի նորակառույց չբնակեցված շենքերից մեկում

Արման Խաչատրյանը համատեղության կարգով նշանակվել է Մոնակոյում ՀՀ դեսպան