Սանկտ Պետերբուրգում Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի առանձին հանդիպում չի նախատեսվում։
Այս մասին հայտնել է Պուտինի մամուլի քարտուղար Դմիտրի Պեսկովը՝ հավելելով՝ նրանք շփվելու հնարավորություն կունենան։
«Առանձին հանդիպում չի նախատեսվում, բայց նրանք հնարավորություն կունենան, անհրաժեշտության դեպքում, զրուցել նիստի շրջանակում»,- ասել է նա:
Ավելի վաղ հայտնել էինք, որ Ռուսաստանի Դաշնության նախագահ Վլադիմիր Պուտինը կմեկնի Լենինգրադի մարզ՝ դեկտեմբերի 26-ին մասնակցելու Հայաստանի Հանրապետության վարչապետ Նիկոլ Փաշինյանի նախագահությամբ անցկացվելիք Եվրասիական տնտեսական բարձրագույն խորհրդի նիստին։