Խստացվում է պատասխանատվությունը միս-մսեղիքի իրացման խախտումների նկատմաբ,- այս մասին հայտարարել է սննդամթերքի անվտանգության տեսչական մարմինը: Մայիսի 27-ից վարչական պատասխանատվություն է սահմանվում այն տնտեսավարողների նկատմամբ, որոնք չեն ապահովի մսամթերքի սպանդանոցային ծագումը հաստատող՝ կառավարության որոշմամբ սահմանված փաստաթղթերի , այդ թվում 5-րդ ձև, տեղեկատվական թերթիկի առկայությունը սպառողին տեսանելի վայրում։ Գյումրու շուկայի Լաչինի միջանցք կոչվող հատվածում մսավաճառներն արդեն չեն հիշում որերորդ անգամ են բարձրաձայնում այն խնդիրները, որոնց բախվում են։ Այն է՝ մարզում սպանդանոցների բացակայությունը, մսի գնի թանկացումն ու վաճառքի նվազումը և պարբերաբար կրկնվող տուգանքները: