ՀՀ վարչապետ Նիկոլ Փաշինյանն առավոտյան այցելել է «Սուրմալու» առևտրի կենտրոնի տարածք, որտեղ պայթյուն էր տեղի ունեցել: Վարչապետին դիմավորել է Երևանի քաղաքապետ Հրաչյա Սարգսյանը:
Նիկոլ Փաշինյանը ծանոթացել է որոնողափրկարարական աշխատանքներին։
Հիշեցնենք, որ օգոստոսի 14-ին «Սուրմալու» առևտրի կենտրոնում տեղի է ունեցել պայթյուն. կա 6 զոհ, 16 անհետ կորած: Բժշկական կենտրոններ տեղափոխվածների թիվը 61 է:
Տարբեր կենտրոններում բուժումը շարունակում է 24 տուժած: Նրանց առողջական վիճակը մասնագետները գնահատում են միջին ծանրության:
Մյուս հոսպիտալացվածները ստացել են անհրաժեշտ բուժօգնությունն ու դուրս գրվել: