Գազայի հիվանդանոցի վրա հարձակվել են բարբարոս ահաբեկիչները, ոչ թե Իսրայելի պաշտպանության բանակը, X-ի իր միկրոբլոգում գրել է Իսրայելի վարչապետ Բենիամին Նեթանյահուն։
«Մեր երեխաներին դաժանաբար սպանողը սպանում է նաև իր երեխաներին»,- գրել է նա։
Ավելի ուշ Իսրայելի բանակը հայտարարել է, որ լրացուցիչ ստուգումները վերահաստատեցին` Գազայի հատվածում գտնվող հիվանդանոցին իսրայելցի զինվորականները հարված չեն հասցրել:
Հիշեցնենք, որ հոկտեմբերի 17-ին Գազայի հատվածում գտնվող հիվանդանոցի վրա տեղի ունեցած հարձակման հետևանքով հարյուրավոր զոհեր կան. ՀԱՄԱՍ-ը հարձակման համար մեղադրում է Իսրայելին: