Զելենսկին հայտարարել է, որ միջուկային զենքից հրաժարվելը ռազմավարական սխալ էր։ Նրա խոսքով՝ Ուկրաինան ստորագրել է Բուդապեշտի հուշագիրը՝ անվտանգության երաշխիքների դիմաց, բայց իրականում ոչինչ չի ստացել։ Ուկրաինայի նախագահը կարծում է, որ պահանջվող նվազագույնը ՆԱՏՕ-ին անդամակցությունն էր կամ իրական «անվտանգության հովանոցը»։ Դրա փոխարեն Ուկրաինան ստացել է միայն դատարկ խոստումներ։ ԽՍՀՄ փլուզումից հետո Ուկրաինան ուներ աշխարհի ամենամեծ միջուկային զինանոցներից մեկը։ Այն տրվեց Ռուսաստանին։ Տարիներ անց Ռուսաստանը պատերազմ սկսեց Ուկրաինայի դեմ, այդ թվում՝ օգտագործելով այն ժամանակ ձեռք բերված սարքավորումները։