Հռոմի Սալվատոր Մունդիի կլինիկայում 98 տարեկանում մահացել է Իտալիայի 11-րդ նախագահ Ջորջո Նապոլիտանոն: Նա եղել է աշխարհի ամենատարեց գործող ղեկավարներից մեկը։
2005 թվականի սեպտեմբերի 23-ից մինչև 2006 թվականը (նախագահի նշանակմամբ) և 2015 թվականի հունվարի 14-ից եղել է ցմահ սենատոր:
Պատգամավորների պալատի նախկին խոսնակ Պյոր Ֆերդինանդ Կազինին, խոսելով նրա մասին, նշել է. «Մեծ իտալացի, ով արժանապատվորեն ծառայեց պետությանը նախագահի պաշտոնում և անցավ նրա կյանքի բոլոր փուլերով` Առաջին հանրապետությունից մինչև մեր օրերը»:
Քաղաքական շրջանակներում նրան անվանում էին «արքա Ջորջո»` իր նկատելի ազդեցության համար: Չի եղել որևէ բարձր պետական պաշտոն, որ նա զբաղեցրած չլինի` Պատգամավորների պալատի նախագահ, եվրապատգամավոր, նախարար, նախագահ:
Պաշտոնավարման օրոք նա շատերի համար դժվարին իրավիճակներում Իտալիայի կայունության երաշխավորն էր: Իր նախագահության օրոք Նապոլիտանոն հինգ վարչապետ է նշանակել: