Չարենցավանի «Վան» ֆուտբոլային ակումբից միանգամից հեռացել են 11 ֆուտբոլիստ: Այդ մասին տեղեկացնում է ակումբի ֆեյսբուքյան էջը:
Նոր մրցաշրջանում մարզային թիմին այլևս չեն օգնի Արման Մելիքսեթյանը, Արգիշտի Պետրոսյանը, Էրիկ Ազիզյանը, Ալեքսանդր Ստեպանովը, Դմիտրի Կուզկինը, Վլադիմիր Ֆիլիպովը, Լայոնել Ադամսը, Դոմինիկո Կոպոլան, Ալիխան Մալկանդուևը, Բենյամին Նանա Տեչիեն և Բենիկ Հովհաննիսյանը։
Փոփոխություններ են տեղի ունեցել նաև «Վանի» մարզչական շտաբում: Թիմի գլխավոր մարզչի պաշտոնում նշանակվել է Արթուր Ասոյանը: Մարզչական շտաբը համալրել է ուկրաինացի մարզիչ Ալեքսեյ Գետմանը։
«Վանը» Հայաստանի Պրեմիեր լիգայի գալիք առաջնությունը կսկսի «Լեռնային Արցախի» հետ արտագնա խաղով: Հայաստանի գավաթի նոր խաղարկությունը չարենցավանցիները պայքարը կակսեն արցախցի ֆուտբոլիստների հետ խաղով: