Իրանի ԱԳ նախարարը հերքել է մտավախությունը, թե Մեծամորի ատոմակայանն աղտոտում է Արաքս գետը

Իրանի արտաքին գործերի նախարար Հոսեյն Ամիր Աբդոլլահիանը հերքել է տեղեկություններն այն մասին, որ Հայաստանի Մեծամորի ատոմակայանը ռադիոակտիվ նյութերով աղտոտում է սահմանային Արաքս գետը:

Նրա խոսքերը մեջբերում է Tasnim գործակալությունը։

«Իրանի ատոմային էներգիայի կազմակերպությունը հերքել է Մեծամորի ատոմակայանի շահագործման հետևանքով Արաքս գետի ցանկացած աղտոտում»,- ասել է Իրանի ԱԳ նախարարը:

Հիշեցնենք, որ սա առաջին դեպքը չէ, երբ իրանական կողմը հերքում է Արաքսի ռադիոակտիվ աղտոտման մասին պնդումները Մեծամորի ատոմակայանի թափոններով՝ պատասխանելով, մասնավորապես, մամուլի հրապարակումներին, թե ռադիոակտիվ աղտոտման պատճառով, ամենայն հավանականությամբ, Հայաստանից Իրանի հյուսիսում աճել է քաղցկեղային հիվանդությունների թիվը:

Related posts

«Հայաստան» և «Պատիվ ունեմ» խմբակցությունների պատգամավորները լքեցին ԱԺ նիստերի դահլիճը. նրանք չեն մասնակցի Սեյրան Օհանյանի հարցով քննարկմանը

Հուլիսի 4-ից միջպետական ճանապարհի Երևան-Գյումրի հատվածից՝ Ուջանի մոտից, երթևեկությունը կտեղափոխվի Հյուսիս-հարավի նորակառույց ճանապարհ

Վերականգնվել է պետությանը պատճառված 305 մլն դրամի վնասը