Խնդրի մասին հաճախ բարձրաձայնելուց, լուծում չստանալուց և վերջին վրաերթից հետո 3 ամիս առաջ այս փողոցը փակվեց գյումրեցիների կողմից` ի նշան բողոքի։Արձագանքեցին ոստիկանությունից, հետո նաև համայնքապետարանից։ Արամ Գրիգորյանը այդ ակցիայի կազմակերպիչներից է, իր խոսքով, գուցե զուգադիպություն է, բայց այդ օրվանից վրաերթերի թիվը Սայաթ Նովա փողոցի այս հատվածում նվազել է։ Եթե այս երկարաձգված լուծումը կփրկի կյանքեր գովելի է,- նշում են գյումրեցիներն ու հավելում, որ ցանկալի է դրական փոփոխություններ չարձանագրվեն միայն դժբախտ պատահարներից ու ծայրահեղական գործողություններից հետո։