Հայաստանի հրաձգության գավաթակիր, դպրոցականների չեմպիոն, սպորտի վարպետության թեկնածու Մնացական Վարդանյանն ընդամենը 26 տարեկան է, բայց արդեն ունի մարզչական երկամյա փորձ ու ոչ առանց հաջողության: Նրա սաներն ուղղակի փայլուն արդյունքներ արձանագրեցին հանրապետության պատանեկան առաջնությունում՝ ապացուցելով, որ մարզումային ժամանակակից պայմաններն ու նոր հրացաններն անգամ անզոր են գտնվում բարձր վարպետության առջեւ: 1-ական ոսկե եւ արծաթե մեդալներով վերադարձան Երեւանից Գյումրու հրաձգության մանկապատանեկան մարզադպրոցի սաները: Ավելին, ընդամենը 2 միավոր չբավականացրեց Արսեն Սարիբեկյանին կանգնելու պատվո հարթակի 3-րդ աստիճանին: