Կարեն Մնացականյանն է՝ 2020 թվականի Արցախի դեմ ադրբեջանա-թուրքական սանձազերծած պատերազմի արիաբար մարտնչած հայորդիներից մեկը: Ցավոք, Արցախի հարավային հատվածի պաշտպանությունն իրականացնելու ժամանակ թշնամու անօդաչուն չվրիպեց. Կարենն ու զինակից ընկերները անմահացան Ջաբրայիլում: Այսօր կլրանար Կարենի 19-ամյակը. այս տարեդարձը խիստ տարբերվեց մյուսներից. լուռ, արցունքոտված ու հպարտությամբ ընտանիքը, զինընկերներն ու համագյուղացիները ծաղիկներ խոնարհեցին ու խնկարկեցին հանուն հայրենիքի նահատակված եւ անձնվիրաբար կռված զինվորի շիրիմին: