Ադրբեջանն էլեկտրատեխնիկա կտրամադրի Ուկրաինային՝ էներգետիկ ճգնաժամը հաղթահարելու համար

Ուկրաինայի էներգետիկայի նախարար Հերման Հալուշենկոն հեռախոսազրույց է ունեցել Ադրբեջանի էներգետիկայի նախարար Փարվիզ Շահբազովի հետ:

«Կողմերը քննարկել են Ռուսաստանի զանգվածային հրթիռային հարձակումների ֆոնին Ուկրաինայի էներգետիկ ոլորտում ստեղծված իրավիճակը»,- ասված է Ուկրաինայի էներգետիկայի նախարարության հաղորդագրությունում։

Հալուշենկոն տեղեկացրել է, որ արվում է հնարավորը՝ հաղթահարելու հարձակման հետևանքները և վերականգնելու էլեկտրամատակարարումը:

Նրա խոսքով՝ Ուկրաինան զգալի վնասներ է կրել և զգում է միջազգային գործընկերների օգնության կարիքը: Հաղորդագրության համաձայն՝ պայմանավորվածություն է ձեռք բերվել, որ Ադրբեջանը էլեկտրատեխնիկա կտրամադրի Ուկրաինային՝ էներգետիկ ճգնաժամը հաղթահարելու համար:

Related posts

Հայաստանի և Ադրբեջանի միջև խաղաղություն արդեն կա. Հաջիև

ՀԷՑ-ի գլխամասային գրասենյակում և ՀԷՑ -ի տնօրենների խորհրդի նախագահ Նարեկ Կարապետյանի տանը անհետաձգելի քննչական գործողություններ են իրականացվում

Արթուր Սարգսյանը հրաժարվեց պատասխանել պատգամավորների հարցերին. դահլիճը լքելուց առաջ հրմշտոց սկսվեց