Հայկական արտադրողների համար վերջին շաբաթները բավական լարված էին․ ռուսական «Wildberries» էլեկտրոնային առևտրային հարթակում Հայաստանից վաճառքների սահմանափակումներից հետո բազմաթիվ գործարարներ կանգնել էին անորոշության առաջ։ Մաքսային նոր պահանջներ, լրացուցիչ ստուգումներ, փաստաթղթային խնդիրներ և վաճառքների դադարեցում․ այս ամենը մեծ դժգոհություն էր առաջացրել հատկապես փոքր ու միջին ձեռնարկությունների շրջանում, որոնց համար հարթակը դարձել էր արտահանման հիմնական ուղիներից մեկը։