Ամերիկյան Microsoft-ը սեպտեմբերի 30-ից հետո կդադարեցնի ծրագրային ապահովման լիցենզիաների երկարաձգումը ռուսական ընկերությունների համար։ Այս մասին ասվում է ընկերության տեխնիկական աջակցության նամակում, որը մեջբերել է TelecomDaily գործակալությունը, գրել է Ъ-ն։
Ռուսաստանում Microsoft-ն այլևս չի կարող ընդունել վճարումներ տեղական բանկային հաշվին ծառայությունների դիմաց: «Հետևաբար, 60 օր առաջ ծանուցելով ձեզ՝ Microsoft-ը սույնով տեղեկացնում է ձեզ, որ 2023 թվականի սեպտեմբերի 30-ից (ուժի մեջ մտնելու ամսաթիվ) հետո դուք այլևս չեք կարողանա թարմացնել ձեր առկա բաժանորդագրությունները», – ասվում է հաղորդագրությունում։
Ակտիվ բաժանորդագրությունները կգործեն մինչև մնացյալ ժամկետի ավարտը։ Հետագայում դրանք չեն երկարաձգվի։
Ռուսաստանում Microsoft-ը դադարեցրել է իր նոր արտադրանքների վաճառքը 2022 թվականին՝ Ուկրաինա ռուսական զորքերի մուտքից հետո։ Ъ-ն գրել է, որ պատժամիջոցների տակ չհայտնված միջազգային ընկերությունների և իրավաբանական անձանց ռուսական ներկայացուցչությունները նախկինում ստացել են կորպորացիայի ծրագրային ապահովման լիցենզիան երկարաձգելու առաջարկներ։