Իրանի հարավ-արևմուտքում գտնվող Խուզեստան նահանգում առավոտյան 5,6 և 5,1 մագնիտուդ ուժգնությամբ երկրաշարժեր են տեղի ունեցել։ Հայտնում են տեղական լրատվամիջոցները։
Թեհրանի համալսարանի սեյսմոլոգիական կենտրոնի տվյալներով՝ տեղական ժամանակով ժամը 07:32-ին գրանցվել է 5,6 մագնիտուդով երկրաշարժ՝ էպիկենտրոնը՝ Խուզեստան նահանգի Հեֆթգել քաղաքը։
Երկրաշարժը տեղի է ունեցել 10 կիլոմետր խորության վրա, մինչ այժմ հնարավոր տուժածների, ավերածությունների մասին հայտարարություններ չեն արվել։