2019-ի հրդեհից հետո Փարիզի Աստվածամոր տաճարի հյուսիսային զանգակատան բոլոր զանգերն առաջին անգամ ղողանջել են:
Այս մասին հայտնել է France24 հեռուստաալիքը։
«Ամեն ինչ դեռ կատարյալ չէ, բայց մենք այն կդարձնենք կատարյալ։ Առաջին փորձարկումը հաջող է անցել»,- լրագրողների հետ զրույցում ասել է Ալեքսանդր Գուժոնը, ով ղեկավարում է զանգերի վերականգնման աշխատանքները։
Այս իրադարձությունը X-ի իր միկրոբլոկում անդրադարձել է նաև Ֆրանսիայի նախագահ Էմմանուել Մակրոնը՝ գրելով.
«5 տարի առաջ միասին խոստացանք վերականգնել Աստվածամոր տաճարը: Այսօր տաճարի զանգերը վերջապես ղողանջում են: Մեկ ամսից մենք նորից կբացենք նրա դռները»: