Շատ կարևոր է 2025 թվականը համեմատել նախահեղափոխական տարվա՝ 2018 թվականի հետ: 2018 թվակաին պաշտպանության ծախսերը կազմել են 245 մլրդ դրամ, իսկ 2025 թվականին՝ 664 մլրդ դրամ, այն է՝ 1 մլրդ 741 մլն 604 հազար դոլար: Այսինքն՝ պաշտպանության ոլորտի ծախսերը ավելացել են 1,1 մլրդ դոլարով: Այդ մասին ամփոփպիչ ասուլիսի ժամանակ ասաց ՀՀ պաշտպանության նախարար Սուրեն Պապիկյանը:
«Շատ կարևոր եմ համարում 2025 թվականի գործունեությունը համեմատել սկզբնական, զրոյական, նախահեղափոխական տարվա հետ այն առումով, որ շատ են քննադատություններն այն մասին, որ պաշտպանական ոլորտին տրամադրվում են քիչ ծախսեր, պակաս ծախսեր: Այս թվերը խոսուն են՝ մեղմ ասած»,-ասաց նա:
Ըստ Պապիկյանի՝ այս հանգամանքի վրա շեշտ դնելով՝ պետք է շարունակել 2025 թվականը համարել գերարդյունավետ տարի և ոչ միայն պաշտպանական ոլորտում իրականացվող ծախսերի առումով. «Ընդհանրապես ոլորտը, իմ կարծիքով, 2025 թվականին մեծապես շահել է»: