Արեւշատցի Սուրիկ Սարգսյանը կանգնել է տնամերձ հողամասի մոտ ու հաշվում է՝ նախորդ տարի այս նույն տարածքից կարտոֆիլի շուրջ 6 տոննա բերք է ստացել. այս տարի նույնիսկ նախորդ տարվա ցուցանիշի տասը տոկոսի ակնկալիք չկա:
Հողագործը կարտոֆիլի ու մնացած կուլտուրաների ոռոգում իրականացրել է ընդամենը 1-2 անգամ, սակայն նշում է՝ հաշվի առնելով այս տարվա աննախադեպ շոգը՝ հարկ էր եւս մի քանի անգամ ոռոգում իրականացնել, ինչը սակայն Արեւշատում հնարավոր չէ.ոռոգման ջուր չկա: