«Ավանսենը»՝ Հայաստանում ֆրանկոֆոն թատերական ընկերությունը, հոկտեմբերի 3-ից 7-ը Երեւանում եւ Գյումրիում իրականացնում է ֆրանկոֆոն թատերական հանդիպումներ:Արդեն մի քանի տարի է, ինչ ֆրանկոֆոն այս նախագիծը թատերգուների երկերի միջոցով եւ արվեստագետների ջանքերով հետամուտ է Հայաստանում ժամանակակից ֆրանկոֆոն թատերարվեստի տարածմանը: Նախագծի չորրորդ թատերաշրջանը նվիրված է բելգիական ֆրանկոֆոն թատրոնին, միջազգային մրցանակների դափնեկիրներ, համբավ վայելող հեղինակների ստեղծագործություններին: