Ի նշան սեպտեմբերի 13-ի Ադրբեջանի սանձազերծած հարձակման պատճառով զոհված հայ զինծառայողների հիշատակին՝ Գյումրու համայնքի ավագանու երրորդ նստաշրջանի առաջին նիստը մեկնարկեց մեկ րոպե լռությամբ: Ավագանու 30 անդամներից ներկա էին 21-ը, օրակարգային 32 հարցերից էին ավագանու մի շարք որոշումների մեջ փոփոխություն կատարելը, ՀՈԱԿ-ներին նվիրատվություն հատկացնելը, սոցիալապես անապահով 124 անձանց դրամական օգնություն տրամադրելը, որը տեղական բյուջեից կարժենա 1 540. 000 դրամ եւ այլ հարցեր: Տնակում ապրող մեկ ընտանիքի սոցիալական բնակարան տրամադրելուն ավագանին կողմ քվեարկեց: