«Օնիրա քլաբ»-ի խաղատան կազմակերպման լիցենզիան ուժը կորցրած է ճանաչվել

Այս մասին ֆեյսբուքյան իր էջում հայտնել է ՀՀ էկոնոմիկայի նախարար Գևորգ Պապոյանը և կից հրապարակել որոշումը:

Նախարարի հրապարակած փաստաթղթից տեղեկանում ենք, որ պատճառը վերահսկող մարմին ներկայացված ֆինանսական հոսքերի մասին հաշվետվություններում առկա տվյալների անհամապատասխանություններն են, որոնք որակվել են որպես կեղծ ու խեղաթյուրված:

Անհամապատասխանությունը, մասնավորապես, կապված է խաղային ապարատների հաշվիչների ցուցմունքների հետ: Նախարարի որոշումը ենթակա է անհապաղ կատարման: Ընկերությունը կարող է երկամսյա ժամկետում այն բողոքարկել Վարչական դատարան: