ՏԿԵ նախարարի տեղակալ Արմեն Սիմոնյանը ԱԺ նիստում ներկայացրեց օդանավակայանի տարածքից տաքսի գործունեություն ծավալելու վերաբերյալ օրենքի նախագիծը:
«Նախագծով առաջարկվում է սահմանել նոր տեսակի լիցենզիա: Այդ լիցենզիան ստանալու համար դրված են որոշակի պահանջներ մեքենայի տարիքի, կահավորանքի վերաբերյալ»,- ասաց փոխնախարարը:
Մշակված օրենսդրական փաթեթով առաջարկվում է օդանավակայանի տաքսի կայանատեղիից փոխադրումներ իրականացնելու համար սահմանել «Ա» տիպի լիցենզիայի պահանջ, որի պետական տուրքը տարեկան նախատեսվում է 200 հազար դրամ:
Վարչական պատասխանատվության միջոցներ են սահմանվում ոլորտի իրավախախտումների համար: