Գյումրու ավագանու արտահերթ նիստին լրագրողական հանրույթն ավելի մեծ կազմով էր ներկա, քան ավագանու: Ինչպես և կանխատեսվում էր այսօր հրավիրված Գյումրու ավագանու արտահերթ նիստը չկայացավ քվորումի բացակայության պատճառով: Նիստին մասնակցեց միայն «Քաղաքացիական պայմանագիր» խմբակցության 11 ներկայացուցիչ: Խմբակցության ղեկավար Քնարիկ Հարությունյանը լրագրողների հետ զրույցում նշեց, որ եթե երկշաբաթյա ժամկետում ավագանին չկարողանա նիստ հրավիրել և քաղաքապետ ընտրել, ավագանին կլուծարվի: