«Ցայգ» ՀԸ հավատարիմ է հանրային մուլտիպլեքսում մարզային սփռման հեռարձակողների լիցենզավորման մրցույթում ներկայացրած իր ծրագրային սկզբունքներին, որոնցից են՝ լինել հեռուստաալիք ընտանիքի համար եւ եթերաժամ տրամադրել հասարակություն բոլոր շերտերին, օրինակ՝ հաշմանդամություն ունեցող անձանց լուսաբանում, ինչը հաճախակի է իրականացվել: Վերոնշյալը եւս մեկ անգամ հաստատում է «Ես կարող եմ կոտրել կարծրատիպեր համայնքում» ծրագրի շրջանակներում «Ցայգ» ՀԸ եւ «Ագաթ» ՀԿ միջեւ կնքված հուշագիրը: Ըստ ձեռք բերված պայմանավորվածության՝ կպատրաստվեն եւ կհեռարձակվեն հաղորդաշարեր՝ մասնավորապես հաշմանդամություն ունեցող կանանց ու աղջիկների մասին: