Իրանը միաժամանակ հրթիռներով հարվածել է Իսրայելին, ԱՄԷ-ին, Կատարին և Բահրեյնին՝ հայտնում են լրատվամիջոցները: Նշվում է, որ Իրանը հարվածներ է հասցնում նաև Հորդանանում և Սաուդյան Արաբիայում գտնվող ամերիկյան օբյեկտներին, ինչպես նաև Իրաքի տարածքին:
Իսրայելի բանակն էլ նոր զանգվածային հարված է հասցնում Իրանի արևմուտքում գտնվող մի շարք ռազմական օբյեկտների։ ՑԱՀԱԼ-ը հայտարարել է Իրանի շուրջ իրավիճակի սրման ֆոնին 70 հազար պահեստազորայինի հավաքագրման մասին:
Իրանի Իսլամական Հանրապետության կառավարությունն էլ հայտնել է, որ երկրում դպրոցներն ու համալսարանները փակ կմնան մինչև հետագա ծանուցումը: Բանկերը շարունակելու են ծառայություններ մատուցել Իրանի «բարեվարք» քաղաքացիներին։ Հաղորդվում է Իրանում համացանցի անջատման մասին: