Գյումրու թիվ 4 արհեստագործական պետական ուսումնարանում սեպտեմբերի 14-ին տեղի ունեցավ «Բիզնես և կրթություն գործընկերություն» հիմնադրամի, «Ֆերտի» բարեգործական կենտրոն հասարակական կազմակերպության և Գյումրու թիվ 4 արհեստագործական պետական ուսումնարանի համագարծակցությամբ միջոցառում, որին ներկա էին նախնական (արհեստագործական) և միջին մասնագիտական կրթության վարչության պետ Արտակ Աղբալյանը, «Ֆերտի» բարեգործական կենտրոն» Հասարակական Կազմակերպության նախագահ՝ Խաչիկ Սահակյանը, «Բիզնես և կրթություն գործընկերություն» հիմնադրամի նախագահ, Գերմանական «Մասնագիտական կրթություն և ուսուցում-համագործակցություն Հարավային Կովկասում» ծրագրի ղեկավար Մարինե Ժամկոչյանը և տարբեր հաստատություններից ներկայացուցիչներ։
Միջոցառման առաջին հատվածում տեղի ունեցավ ծանոթացում ուսումնարանում «Վերականգնվող էներգիայի աղբյուրների և էներգաարդյունավետ տեխնոլոգիաների» կենտրոն լաբորատորիայի ստեղծման առաջին փուլի՝ ուսումնարանում զրուցարան տաղավարի կառուցման աշխատանքների հետ, 2-րդ մասում՝ «Բիզնես և կրթություն գործընկերություն» հիմնադրամի գերմանական «Մասնագիտական կրթություն և ուսուցում-համագործակցություն Հարավային Կովկասում» ծրագրի շրջանակներում ՀՀ Կրթության, գիտության, մշակույթի և սպորտի նախարարության աջակցությամբ ՄԿՈւ ուսանողների միջև իրականցաված «Միջին մասնագիտական կրթության կարևորության իմ տեսակետը» խորագրով մուլտիպլիկացիոն/անիմացիոն ֆիլմերի մրցույթի մրցանակների հանձնման արարողությունը։ Խրախուսական նվերներ, պատվոգրեր հանձնվեցին առաջին, երկրորդ, երրորդ տեղերը գրաված, ժյուրիի խրախուսական մրցանակին, համակրանքին արժանացած թվով 14 ուսանողների։
Առաջին տեղը գրավել էին Գյումրու թիվ 4 արհեստագործական ուսումնարան ուսանողներ՝ Արփինե Խաչատրյանը, Ռուզաննա Հարությունյանը և Հովհաննես Սիմոնյանը։
Միջոցառմանը հեռավար հետևում էր նաև Գերմանական «Մասնագիտական կրթություն և ուսուցում համագործակցություն» ծրագրի ղեկավար Ուտե Ֆոկը, ով ողջույնի խոսք հղեց ներկաներին և վստահեցրեց, որ ուսումնարանում գործող «Ուսանողական կազմակերպություններ» ծրագիրը շարունակվում է, և ուսանողները լուրջ հաջողությունների կհասնեն իրենց բիզնես ծրագրերում։
Նախնական (արհեստագործական) և միջին մասնագիտական կրթության վարչության պետ Արտակ Աղբալյանը շնորհակալություն հայտնեց համագործակցող կողմերին և նշեց, որ այս կարճ ժամանակահատվածում՝ չորս ամսվա ընթացքում արդեն «Ցածր-ածխածնային էներգիայի ուսումնական կենտրոնների հիմնում երիտասարդ մասնագետների համար» ծրագրի ներդրման պտուղներն ենք վայելում։ Նմանատիպ ծրագրեր իրականացվում է հանրապետության չորս ուսումնական հաստատություններում, և ապագային միտված մասնագիտություն ձեռք բերելու առումով սա շատ կարևոր ձեռքբերում է։
Միջոցառման ընթացքում ներկայացվեց ուսումնարանում իրականացվող ծրագրերը, ուսանողների հաջողություններն ու առաջիկա նպատակները։