ՀՀ ՏԿԵ նախարար Դավիթ Խուդաթյանն այսօր այցելել է «Զվարթնոց» միջազգային օդանավակայան։ Այդ մասին նա տեղեկացրել է ֆեյսբուքյան էջում։
«ՏԿԵՆ ոլորտը համակարգող փոխնախարար Արմեն Սիմոնյանի, Քաղաքացիական ավիացիայի կոմիտեի նախագահ Միհրան Խաչատրյանի, Արմավիրի մարզպետ Արգիշտի Մեխակյանի, «Հայաէրոնավիգացիա» ՓԲԸ գլխավոր տնօրեն Վարդան Չիլինգարյանի, Փարաքար համայնքի ղեկավարի պաշտոնակատար Լյուդվիգ Գյուլնազարյանի, օդանավակայանի տնօրինության հետ շրջել ենք տարածքում, ծանոթացել առկա ենթակառուցվածքներին, գործընկերները ներկայացրել են «Զվարթնոց» միջազգային օդանավակայանում մինչ այս իրականացրած ներդրումները, ընթացիկ աշխատանքները, ծանոթացել ենք օդանավակայանի անվտանգության համակարգերի աշխատանքին։ Շրջայցի ընթացքում քննարկել ենք օդանավակայանի աշխատանքի հետ կապված հարցեր»,- գրել է նա։