ՀՀ կրթության, գիտության, մշակույթի և սպորտի նախարար Ժաննա Անդրեասյանը նոյեմբերի 3-ին երկօրյա այցով կմեկնի Մոնակոյի Իշխանապետություն՝ մասնակցելու Եվրոպայի խորհրդի անդամ երկրների սպորտի հարցերով պատասխանատու նախարարների 19-րդ համաժողովին։ Այս մասին տեղեկացնում են ԿԳՄՍՆ-ից:
Նախարարը կմասնակցի նաև Սպորտի վերաբերյալ ընդլայնված մասնակի համաձայնագրի խորհրդատվական կոմիտեի լիագումար նիստին, ինչպես նաև հարակից այլ միջոցառումների։