Տաջիկստանն ու Ադրբեջանը համագործակցության 14 նոր փաստաթուղթ են ստորագրել

Բարձր մակարդակի հանդիպումների և բանակցությունների ավարտից հետո Տաջիկստանի նախագահ Էմոմալի Ռահմոնի և Ադրբեջանի նախագահ Իլհամ Ալիևի ներկայությամբ ու մասնակցությամբ տեղի է ունեցել համագործակցության նոր փաստաթղթերի ստորագրման արարողություն, ստորագրվել է 14 նոր փաստաթուղթ՝ հաղորդում են ադրբեջանական և տաջիկական լրատվամիջոցները։

Պետությունների ղեկավարները ստորագրել են Տաջիկստանի և Ադրբեջանի միջև ռազմավարական գործընկերության մասին հռչակագիրը։ Այնուհետև պետությունների ղեկավարների ներկայությամբ ստորագրվել է ևս 13 փաստաթուղթ, որոնք վերաբերում են համագործակցությանը միգրացիայի, տեղեկատվության, արդյունաբերական տեխնոլոգիաների, դատական համակարգի ոլորտներին:

Վերջում նախագահներ Ռահմոնը և Ալիևը մամուլի ասուլիս են հրավիրել լրատվամիջոցների ներկայացուցիչների համար, գոհունակություն են հայտնել ամենաբարձր մակարդակով կայացած հանդիպումների և բանակցությունների արդյունքներից՝ գրում են ԶԼՄ-ները:

Related posts

Հիմնանորոգվում է Սյունիք գյուղից Կապան տանող 4 կմ երկարությամբ ճանապարհը. վարչապետը տեսանյութ է հրապարակել

ՄԻՊ ներկայացուցիչները չհայտարարված մշտադիտարկման այցեր են իրականացրել ազատությունից զրկված անձանց ժամանակավոր պահելու վայրեր

Նիկոլ Փաշինյանը ծանոթացել է Կապանի թիվ 9 մանկապարտեզի շենքի վերակառուցման աշխատանքներին