Վրաստանում հանդիպել են Թուրքիայի և Ադրբեջանի պաշտպանության նախարարները

Թուրքիայի պաշտպանության նախարար Յաշար Գյուլերը Վրաստանի Բաթումի քաղաքում հանդիպել է Ադրբեջանի պաշտպանության նախարար Զաքիր Հասանովին:

Բաթումիում այսօր՝ սեպտեմբերի 10-ին, նախատեսվում է անցկացնել Թուրքիա-Վրաստան-Ադրբեջան պաշտպանության նախարարների նիստ:

Թուրքական պաշտոնական աղբյուրներում հանդիպման օրակարգի մանրամասներ չկան:

Նշենք, որ նիստին մասնակցելու նպատակով Գյուլերը Բաթումի մեկնել էր սեպտեմբերի 9-ին կայացած Թուրքիայի կառավարության նիստից հետո: