Վրաստանում երկու օրվա ընթացքում էլեկտրաէներգիայի երկրորդ զանգվածային անջատումն է տեղի ունեցել: Շաբաթ օրը՝ հուլիսի 25-ին, առավոտյան, Թբիլիսին և երկրի հիմնական շրջանները մնացել են առանց էլեկտրաէներգիայի՝ ըստ Paper Kartuli-ի և News Georgia-ի:
Վրաստանի մայրաքաղաքում դադարեցվել են մետրոյի ծառայությունները, ինչպես նաև եղել են ջրամատակարարման և ինտերնետային կապի խափանումներ: Ամբողջ երկրում դադարեցվել է երկաթուղային երթևեկությունը: Խափանումից կես ժամ անց Թբիլիսիի առանձին շրջաններում էլեկտրամատակարարումը վերականգնվել է։
Վերջին խափանումը տեղի էր ունեցել հուլիսի 24-ի գիշերը Վրաստանում էլեկտրաէներգիայի զանգվածային անջատումից 30 ժամ անց: Այդ ժամանակ հոսանքազրկվել էին Թբիլիսին և շատ այլ քաղաքներ, այդ թվում ՝ Բաթումը, Քութայիսը, Թելավին, Բորժոմը, Բակուրիանին, Զուգդիդին։ Հաղորդվել է, որ առանց լույսի էր մնացել նաև չճանաչված Աբխազիայի ամբողջ տարածքը։
Այս վթարի, ինչպես նաև կրկնակի անջատման պատճառները դեռ չեն հրապարակվել: Վրաստանի պետական էլեկտրահամակարգի ներկայացուցիչները հայտարարել են, որ զբաղվում են հետևանքների վերացմամբ և պարզում են խափանման պատճառները: