Վրաստանի ընտրությունների արդյունքները կբողոքարկվեն. Զուրաբիշվիլին կդիմի Սահմանադրական դատարան

Վրաստանի նախագահ Սալոմե Զուրաբիշվիլին 2024 թվականի խորհրդարանական ընտրությունների արդյունքները կբողոքարկի Սահմանադրական դատարանում:
Այս մասին նախագահը հայտարարել է իր նստավայրում կայացած ճեպազրույցում։

«Վաղն առավոտյան ես հայց կներկայացնեմ Սահմանադրական դատարան երկու սկզբունքների խախտման համար, որոնք կոչվում են ընտրություններ գաղտնիություն և համընդհանուրության (կամքի ազատ արտահայտում-հեղ.) խախտում»,- ասել է նախագահը։

Նա հանրությանն առաջարկել է հոկտեմբերի 26-ի ընտրությունների արդյունքների գնահատման սեփական տարբերակը։ Նախագահը ևս մեկ անգամ կրկնել է՝ խորհրդարանական ընտրությունները չի համարում լեգիտիմ, որոշակի վերապահումներով նոր ընտրություններ է պահանջում։

Զուրաբիշվիլին կարծում է, որ նոր ընտրություններ կարող են անցկացվել միայն, երբ նոր ընտրական վարչակազմը կհամալրվի միջազգային գործընկերների օգնությամբ, կփոխվի ընտրական օրենսգիրքը և կպարզեցվի արտասահմանում արտագաղթյալների համար ընտրատեղամասերի բացումը, ինչպես նաև կապահովվի ընտրական վեճերի դատական քննությունը անկախ խորհրդի կողմից։

Related posts

Ձերբակալվածի տան խուզարկությամբ հայտնաբերվել են հրազեն ու ափիոն

Վլադիմիր Զելենսկու նվերը մորը

27 365 քաղաքացի ետ է ստացել 2 միլիարդ 437 միլիոն դրամ սոցիալական կրեդիտ. վարչապետ