Արցախի Հանրապետության նախագահ Արայիկ Հարությունյանը հանդես է եկել հայտարարությամբ։
«Հայաստանի Հանրապետությունում վերջին ներքաղաքական զարգացումները խիստ մտահոգիչ են, և հորդորում եմ բոլոր կողմերին սթափություն ու ողջամտություն ցուցաբերել, այլապես մեր պարտությունը շատ ավելի խորն ու ճակատագրական է լինելու: Բավ է, որքան արյուն ենք թափել, այժմ ժամանակն է ճգնաժամերը թոթափելու և անցնելու երկարատև զարգացման ու զորացման ճանապարհով:
Այս պահին գտնվելով Երևանում՝ ես պատրաստ եմ իմ միջնորդական առաքելությունը բերել այս քաղաքական ճգնաժամը պատվով հաղթահարելու գործում», – նշված է Արայիկ Հարությունյանի հայտարարության մեջ։
Ավելի վաղ հայտնել էինք, որ ՀՀ զինված ուժերը պահանջում է ՀՀ վարչապետի և կառավարության հրաժարականը, ինչին հաջորդեց ՀՀ վարչապետ ՆԻկոլ Փաշինյանի ֆեյսբուքյան ուղիղ եթերը, որի միջոցով նա տեղեկացրեց, որ աշխատանքից ազատել է ՀՀ ԶՈՒ ԳՇ պետ Օնիկ Գասպարյանին։