Արցախյան պատերազմի ամենաթեժ օրերին Գյումրու Վարդան Աճեմյանի անվան պետական դրամատիկական թատրոնը Վարդան Պետրոսյանի հետ համատեղ որոշեց դիմել ռիսկի եւ իրականացնել «Վերելք» ներկայացման առաջնախաղը: ՀՀ կրթության, գիտության, մշակույթի եւ սպորտի նախարարության հովանավորությամբ արդեն իսկ հետաձգված ներկայացումը տեղի ունեցավ: Ինչպես եւ սպասվում էր, նույնիսկ հայ ժողովրդի համար ամենաօրհասական օրերին դահլիճը լեփ-լեցուն էր: