Գյումրիում կգործի շների համայնքապատկան ապաստարան, սակայն քանի որ գործընթացը դեռ նոր է մեկնարկել, քաղաքում թափառող շների հարցի լուծումն իրականացնող կազմակերպությունը համայնքապետարանի վերահսկողությամբ կիրականացնի ստերջացման միջոցով: Գյումրու համայնքապետի տեղակալ Դավիթ Առուշանյանը նշում է՝ նախկինում չնայած տեղի է ունեցել ստերջացում, սակայն միեւնույն ժամանակ թափառող շների քանակը քաղաքում մեծացել է ու գործընթացը չի եղել արդյունավետ: