105 քառակուսի մետր մակերես ունեցող այս տնակի թիթեղները նախօրեի գիշերն ուժեղ քամուց պոկվել ու հայտնվել են հարակից խնձորենու վրա՝ ամբողջովին կոտրելով այն. մարմաշենցի Ավետյանների ընտանիքը հայտնվել է բաց երկնքի տակ:
Ուժեղ քամու պատճառած վնասները ճշտելու, հետեւանքների մասին ամբողջական տեղեկատվություն ունենալու նպատակով՝ Շիրակի մարզպետի հանձնարարությամբ ձեւավորվել են աշխատանքային խմբեր։ Մարզպետի տեղակալներն ու մարզպետարանի ոլորտային պատասխանատուները եղել են մի շարք համայնքներում, համայնքների ղեկավարների, համայնքներում ձեւավորված տեղական խմբերի հետ ծանոթացել իրավիճակին։