Ռևանշը վատ բան չէ. նշանակում է նոր հաջողության հասնել. ադրբեջանցիներին կարելի է, մեզ՝ չէ՞:
Այս մասին այսօր դատարանի բակում լրագրողների հետ զրույցում նշեց ՀՀ երրորդ նախագահ Սերժ Սարգսյանը:
«Ես շատ երկար ժամանակ է, որ զբաղվում է շախմատով, շախմատի աշխարհում եմ և գիտե՞ք քանի անգամ է եղել, մատչ ռևանշ են ասել աշխարհին չեմպիոնության համար:
Միթե էդ մարդիկ խելացի չեն եղել, միթե էդ մարդիկ կյանքից ոչինչ չեն հասկանում: Ի՞նչ ա նշանակում ռևանշ, ռևանշը նշանակում է նոր հաջողության հասնել:
Ուրիշ բան, երբ որ կա փիլիսոփայական տերմին ռևանշիստներ և այլն, բայց էդ տերմինը չգիտեմ, թե որքանով է գիտական և որքանով է հնարված էն մարդկանց կողմից, ովքեր ինչ-որ բանի հասել են և ուզում են դրա վրա ամբողջովին մնալ ուրիշին ոչինչ չտալով:
Ես ռևանշի տակ որևէ վատ բան չեմ հասկանում:
Այսինքն ադրբեջանցիների համար ռևա՞նշ էր սա: Եթե այդպես ա, ապա իրանց կարելի ա մեզ չի կարելի: Միթե մենք հասել ենք էն աստիճանի, որ իրանց ամեն ինչ կարելի ա, մեզ ոչինչ չի կարելի: Արդյոք դա ճիշտ դիրքորոշում է: Արդյոք արժի դրա համար ապրել, երբ որ դու ոչ մի իրավունք չունես, ուրիշները բոլոր իրավուքնները ունեն»,- ասել է Սարգսյանը: