Ռուս խաղաղապահները շուրջ 5 հազար արցախցու են տարհանել․ ՌԴ ՊՆ

Ռուս խաղաղապահները շուրջ հինգ հազար մարդու են տարհանել Լեռնային Ղարաբաղի Մարտակերտի, Մարտունու և Ասկերանի շրջաններից։ Այս մասին հայտնում է ՌԴ պաշտպանության նախարարությունը։
ՌԴ ՊՆ-ի հաղորդմամբ՝ բոլոր տարհանվածներին տրամադրվում են հանգստի վայրեր և տաք սնունդ, իսկ ռազմական բժիշկները նրանց որակյալ բուժօգնություն են ցուցաբերում։

Հաղորդվում է, որ շարունակական փոխգործակցություն է պահպանվում Բաքվի, Երևանի և Ստեփանակերտի հետ՝ ուղղված արյունահեղության կանխմանը, խաղաղ բնակչության անվտանգության և մարդասիրական իրավունքի պահպանմանը, ինչպես նաև ռուսական խաղաղապահ կոնտինգենտի անվտանգության ապահովմանը։

Related posts

Առաջիկա օրերին՝ անձրև ու ամպրոպ․ ջերմաստիճանը էապես չի փոխվի

Արայիկ Հարությունյանն ու Սամվել Գասպարյանը մասնակցում են Ծանրամարտի միջազգային ֆեդերացիայի համաժողովին

Ճապոնիայում ստեղծվել է խելացի ակնոց՝ նախատեսված և՛ կարճատեսների, և՛ հեռատեսների համար