Ռուսաստանի պաշտպանության նախարարությունը հրապարակել է Բելգորոդի մարզի տարածք ներթափանցած ուկրաինացի դիվերսանտների ոչնչացման կադրերը։ Համապատասխան տեսանյութը հրապարակվել է ՌԻԱ «Նովոստի»-ի թելեգրամյան ալիքում։
Տեսանյութում երևում է, թե ինչպես է ռուսական անօդաչու թռչող սարքը նկատել ուկրաինական դիվերսիոն խմբի շարասյունը։ Դրանից հետո դիվերսանտներին հարված է հասցվում։ Հրետանավորները ոչնչացրել են անտառային գոտում ապաստանածներին։
Բացի այդ, հակառակորդի զինտեխնիկայի առանձին ստորաբաժանումներ ոչնչացվել են անմիջապես «Գրայվորոն» սահմանային անցակետի տարածքում։