Ուկրաինայի ենթակառուցվածքին Ռուսաստանի ավիահարվածները պատերազմի «բնույթի խորքային փոփոխություն» են: Այս մասին հայտարարել է Ֆրանսիայի նախագահ Էմանուել Մակրոնը երկրի արևմուտք կատարած ուղևորության ժամանակ, գրում է Bloomberg-ը։
Նրա խոսքով՝ Փարիզ վերադառնալուն պես նա կհրավիրի իր ռազմական և դիվանագիտական խորհրդականներին՝ «իրավիճակը վերլուծելու համար»։
Հիշեցնենք, որ երկուշաբթի Մակրոնը հեռախոսազրույց է ունեցել Ուկրաինայի նախագահ Վլադիմիր Զելենսկու հետ։ Կողմերը քննարկել են Ուկրաինայի հակաօդային պաշտպանության ուժեղացման հարցը։
Հոկտեմբերի 10-ին տեղի ունեցած զանգվածային հրթիռային հարվածի արդյունքում վնասվել է ավելի քան 30 բնակավայրի ենթակառուցվածք։