Մոսկվայում ԱՄՆ դեսպան Ջոն Սալիվանը Ռուսաստանի արտաքին գործերի փոխնախարար Ալեքսանդր Գրուշկոյին է փոխանցել անվտանգության երաշխիքների վերաբերյալ Վաշինգտոնի գրավոր պատասխանը, հայտնել են ՌԴ ԱԳՆ մամուլի ծառայությունից:
Նշվում է, որ հանդիպումն անցել է Միացյալ Նահանգների ներկայացուցչի խնդրանքով:
«Ամերիկյան դիվանագիտական առաքելության ղեկավարը փոխանցել է ԱՄՆ վարչակազմի գրավոր պատասխանը՝ ավելի վաղ ռուսական կողմի ներկայացրած անվտանգության երաշխիքների վերաբերյալ երկկողմ պայմանագրի նախագծին»,- նշել են գերատեսչությունում:
Ավելի ուշ Բրյուսելում ՌԴ դեսպանը ստացել է նաև ՆԱՏՕ-ի գրավոր պատասխանն անվտանգության երաշխիքների վերաբերյալ Մոսկվայի առաջարկներին: Դաշինքի գլխավոր քարտուղար Ենս Ստոլտենբերգը հայտարարել է՝ փաստաթուղթը ստացել է դաշինքի 30 անդամների հավանությունը: