Անգլիական «Մանչեսթեր Յունայթեդ» ֆուտբոլային ակումբի մամուլի ծառայությունը հայտարարել է առաջին թիմի գլխավոր մարզչի պաշտոնից Ռուբեն Ամորիմի ազատման մասին:
«Արմենպրես»-ի հաղորդմամբ` Ամորիմը «Մանչեսթեր.Յունայթեդ»-ում աշխատանքը սկսել էր 2024 թվականի նոյեմբերից:
Մինչ այդ նա գլխավորում էր Լիսաբոնի «Սպորտինգ»-ը, որի հետ հաղթել է Պորտուգալիայի առաջնությունում: Այժմ «կարմիր սատանաները» Անգլիայի Պրեմիեր լիգայի մրցաշարային աղյուսակում զբաղեցնում են 5-րդ հորիզոնականը ՝ անցկացրած 20 հանդիպումներում վաստակելով 31 միավոր:
Առաջատար «Արսենալ»-ից մանկունիանցիները հետ են 17 միավորով:
Ավելի վաղ լուրեր կային, որ Ամորիմի հրաժարականից հետո «կարմիր սատանաների» առաջին թիմը ժամանակավորապես գլխավորել է Դարեն Ֆլետչերը: