Ուկրաինայում Ռուսաստանի հատուկ գործողության սկսվելուց ի վեր՝ ավելի քան 3,5 մլն մարդ լքել է Ուկրաինան, ևս 6,5 միլիոնը ներքին տեղահանվածներ են: Այդ մասին հայտնել են ՄԱԿ-ի Միգրացիայի միջազգային կազմակերպությունից։
Վերջինիս տվյալով՝ Լեհաստանն ընդունել է 2 մլն ուկրաինացի փախստականի, Ռումինիայում ապաստանել է շուրջ 550000 մարդ: Ուկրաինայից փախստականների են ընդունում նաև Գերմանիան, Մոլդովան, Հունգարիան, Սլովակիան, Ռուսաստանը և Բելառուսը։
Նշվում է, որ ներքին տեղահանվածների և փախստականների 90%-ը կանայք և երեխաներ են։